Kombëtarja e Shqipërisë në futboll po vazhdon me përgatitjet për ndeshjet kualifikuese për Botërorin 2026 kundër Serbisë.
Kjo ndeshje luhet të shtunën mbrëma në “Arenën Kombëtare”, ndërsa në dyshim te Shqipëria është paraqitja e sulmuesit Armando Broja.
Broja është bashkuar në grumbullim me një problem muskulor dhe tashmë ka bërë rezonancën, ku nuk ka dalë diçka shqetësuese.
Broja ka vazhduar të stërvitet me pjesën tjetër të ekipit por nuk dihet nëse do të aktivizohet prej minutës së parë kundër Serbisë.
Ekipi mjekësor i Kombëtares së Shqipërisë do ta monitoroj gjendjen e Brojës dhe pastaj është selektori Sylvinho për të vendosur nëse do ta aktivizoj prej fillimit.
Shqipëria këtë muaj i luan dy ndeshje kualifikuese për Botërorin e vitit të ardhshëm, pasi tri ditë pas ndeshjes me Serbinë, do të përballet edhe me Letoninë.
