Ishte nisur nga Roma për në Prishtinë. Gjatë kohës sa aeroplani ishte në fluturim u dha alarm për bombë.
Sipas zyrtarëve policorë, kjo shkaktoi shqetësim tek mbi 200 udhëtarët.
Por, pas aterimit, u pa që edhe ky alarm ishte i rremë.
“Menjëherë jemi përgjigjur me të gjitha njësitet relevante. Pasagjerët janë evakuuar dhe janë kontrolluar avioni dhe bagazhet, por nuk ka dalë asgjë. Ishte alarm fals”, thuhet në njoftimin e Policisë së Kosovës.
Ky i aeroportit llogaritet të jetë alarmi i katërt i rremë për mjete shpërthyese.
E këto sipas njohësit të sigurisë, Avni Islami janë shqetësuese, e nuk duhet neglizhuar.
Brenda një jave dy alarme të rreme për bombë ishin në Rektoratin e Universitetit të Prishtinës, e një tjetër në shkollën “Xhevdet Doda”.
Raporti i gazetares Florijeta Dernjani.
