Në lidhje me këtë, Policia e Kosovës ka njoftuar se rreth orës 11:00 është raportuar për një shpërthim të mundshëm në këtë shkollë.
Zëdhënësja e Policisë për rajonin e Prishtinës, Flora Ahmeti për Tëvë1, tha se informacionet e para flasin se kanosja e dyshimtë ka ardhur përmes postës elektronike.
“Sot rreth orës 11:00 është pranuar informata për dyshimet që ndërlidhen me një shpërthim të mundshëm në shkollën “Xhevdet Doda” në Prishtinë. Informacionet e para flasin se kanosja e dyshimtë ka ardhur përmes postës elektronike. Policia menjëherë ka dalë në vendin e ngjarjes dhe ka nisur ndërmarrjen e veprimeve operative të nevojshme për të menaxhuar me situatën në atë zonë”, tha ajo.
Sipas Ahmetit, Policia ka evakuuar nxënësit dhe personelin e shkollës, teksa policia po trajton dhe verifikon informatën.
“Ndërkohë që në një perimetër të caktuar policia ka evakuuar nxënësit dhe personelin e shkollës, specialist të policisë po trajtojnë dhe verifikojnë informatën”, tha ajo.
Ndërsa, sipas pamjeve të Tëvë1, në vendin e ngjarjes kanë dalë edhe zjarrfikësit.
Ndërkaq, dje njëjtë është lajmëruar për një alarm për bombë te Rektorati i Universitetit “Hasan Prishtina” në Prishtinë.
Sipas Policisë, kërcënimi për bombë erdhi përmes postës elektronike, teksa minuta më vonë u bë e ditur se alarmi ishte i rrejshëm. /teve1.info/
