Deputetët e Kuvendit të Kosovës dhe mediat janë evakuuar nga Kuvendi i Kosovës, për shkaqe sigurie.
Sipas ekipit të tëvë1 i cili po qëndron atje bëhet e ditur se dyshohet për një vendosje të bombës në Kuvendin e Kosovës.
Redaksia ka dërguar pyetje në polici por ende nuk ka marrë përgjigje.
Ndryshe, deputeti i PDK-së, Abelard Tahiri ka thënë se për shkaqe sigurie policia ka kërkua të evakuohen.
“Ka një kërcënim me gjasë, me bombë. Policia për shkak të masave të sigurisë, ka thënë se duhet të evakuohet stafi. Ka një kërcënim, nuk e di më tutje, Policia duhet të japë sqarime. Krejt çka na kërkuan është me lirua ndërtesën”, ka thënë Tahiri.
Kurse, deputetja e AAK-së, Time Kadrijaj, ka thënë se nuk beson që ka ndonjë rrezik për deputetët.
“Është tepër e pakuptimtë kjo çka po ndodh. Ndoshta është ndonjë telefonatë e qëllimshme me i largu deputetët nga Kuvendi. S’ka njeri normal që e sulmon Kuvendin”, ka thënë ajo./teve1.info/
