Seanca dështoi.
Mirëpo, askush nga partitë politike nuk po e pranon përgjegjësinë për zhvillimet e sotme në Kuvend.
Qeveria në detyrë dhe opozita, po ia hedhin fajin njëra tjetrës.
Deputetja e zgjedhur e Lëvizjes Vetëvendosje, Albulena Haxhiu, ka akuzuar PDK-në, LDK-në dhe AAK-në se bashkë me Listën Serbe, u bënë shkaktar për dështimin e seancës.
Gjithçka që parashihej të ndodhte sot, sipas Haxhiut ishte në përputhje me Kushtetutën e Republikës së Kosovës.
“Është një situatë që nuk ka ndodhur në të kaluarën opozita e refuzoj votimin e këtij raporti, ndonëse gjithçka në përputhje me Kushtetutën, ndonëse gjithçka ishte në përputhje me legjislacionin në fuqi dhe i gjithë materiali që i është dorëzuar gjegjësisht të përcjellur deputetëve të komisionit, ishte ai që ka dalë nga certifikimi i rezultateve të zgjedhjeve. Ajo çfarë e bënë shqetësuese këtë situatë është se opozita, pra kjo opozitë asnjë fjalë nuk e tha, asnjëherë kundrejt Listës Serbe”, u shpreh Haxhiu.
E këtyre akuzave, kryetari i Partisë Demokratike të Kosovës, Memli Krasniqi ju përgjigj duke thënë se Kurti me ministrat e tij në detyrë, nuk mund të mbajnë dy pozita.
“Sot nuk munden me dhënë betimin, z.Kurti le të jep dorëheqje është shumë e thjeshtë ka me shkrua një letër, ka me thënë “jap dorëheqje nga pozita e kryeministrit bashkë me ministrat” që edhe ata duhet me dhënë dorëheqje dhe mundet me ardhë pastaj me u betua si deputet, por Kushtetuta e Kosovës para gjithash edhe ligji i qeverisë që vet e kanë shkruajtur nuk është ligj fare i mirë, por si shumë ligje të tjera që i kanë shkruajt vet këta, thotë që nuk mundet kryeministri me u bë deputet”, tha Krasniqi.
Ndërkaq kryetari i LDK-së, Lumir Abdixhiku tha se partia fituese nuk po e respekton rregullin bazik kushtetues që thotë se një i zgjedhur nuk mund të jetë edhe kryeministër apo ministër edhe deputet.
“Seanca duhet të thirret sa më parë, sipas rregullores duhet të thirret brenda 48 orëve ky është proces bllokues i qëllimshëm I partisë në pushtet sepse nuk i ka numrat, fundja ju e pat fuqinë politike 52 mbështetës të një qeverie që pretendon se i ka numrat dhe më pas një mal akuzash për secilin tjetër teksa zihen në mesazhe politike me vet Listën Serbe”, u shpreh Abdixhiku.
Sipas disa shpjegimeve juridike, seanca e radhës duhet të thirret brenda 48 orëve.
