Prokuroria Speciale e Kosovës ka njoftuar se, të mërkurën ka ngritur aktakuzë ndaj një personi për kryerjen e veprës penale “Fshehja ose moslajmërimi i terroristëve dhe grupeve terroriste’’.
Sipas aktakuzës i pandehuri K.H., është takuar dhe ka marrë pjesë në biseda të vazhdueshme me V.I, B.I, L.V, F.G, K.P, A.A, L.G, L.M, dhe B.P, tani të dënuar për vepra penale të terrorizmit.
Po ashtu në aktakuzë thuhet se, i njëjti ka qenë në dijeni për ekzistimin dhe veprimet e këtij grupi terrorist, por i kishte fshehur dhe nuk i kishte lajmëruar tek organet kompetente.
“Prokuroria Speciale e Republikës së Kosovës, ka ngritur aktakuzë në Gjykatën Themelore në Prishtinë – Departamentin Special, kundër të pandehurit K.H, për shkak të dyshimit se i njëjti ka kryer veprën penale “Fshehja ose moslajmërimi i terroristëve dhe grupeve terroriste’’ nga neni 142 paragrafi 2 lidhur me nenin 385 paragrafi 2 nën paragrafi 2.4 të KPRK –së. Sipas aktakuzës i pandehuri K.H., është takuar dhe ka marrë pjesë në biseda të vazhdueshme me tani të dënuarit V.I, B.I, L.V, F.G, K.P, A.A, L.G, L.M, dhe B.P, për vepra penale të terrorizmit, ashtu që i njëjti ka qenë në dijeni për ekzistimin dhe veprimet e këtij grupi terrorist, por i njëjti i kishte fshehur dhe nuk i kishte lajmëruar tek organet kompetente. Prokurori i shtetit nga Prokuroria Speciale gjithashtu ka kërkuar nga Gjykata që të pandehurin ta shpall fajtor, duke e dënuar sipas Kodit Penal dhe të njëjtit t’i vazhdohet masa e arrestit shtëpiak deri në përfundim të këtij rasti penal”, bëhet e ditur në njoftim./teve1.info/
