Prokuroria Themelore në Prizren ka ngritur aktakuzë kundër të pandehurit B.L., për një grabitje të ndodhur në muajin tetor të këtij vitit në Prizren, raporton teve1.info
Sipas njoftimit të Prokurorisë, i dyshuari ishte futur në lokalin “T.K.-Sh.A.”, ku e kishte kërcënuar punëtoren dhe i kishte vjedhur në shumë të të hollave.
Prokurori i rastit ka kërkuar që i akuzuari të shpallet fajtor për veprën e kryer sipas ligjeve në fuqi.
“Sipas aktakuzës, me datë 08.10.2023, rreth orës 14.00min, në Prizren, saktësisht në zyret e operatorit telefonik me përdorim të forcës dhe kanosjes serioze për të sulmuar jetën apo trupin e personit tjetër, përvetëson pasurinë e luajtshme të të dëmtuarës “T.K.- Sh.A”, me qëllim që t’i sjellë vetes dobi pasurore të kundërligjshme, në atë mënyrë që sapo hyn brenda në objekt ofrohet te punëtorja – e dëmtuara D.T., të cilës i kërkon informata rreth ofertave, e dëmtuara pasi i merr numrin e telefonit dhe derisa ishte duke i spjeguar ofertat, në ato momente i pandehuri e nxjerrë briskun dhe nën kërcënim të të njëjtit i hedhet mbi trup, me forcë i zgjat duart tek arka dhe duke e larguar të dëmtuarën nga tavolina e godet të njëjtën në fytyrë dhe qafë dhe i shkakton lëndime të lehta trupore, dhe nga arka arrin të marr një shumë të hollash, dhe largohet nga vendi i ngjarjes për në drejtim të panjohur, i cili në ikje e sipër e hedh në vend të panjohur briskun, mjet ky me të cilin e kishte kryer veprën penale”, thuhet në komunikatë.
