Shkak i saj është një konkurs për mësimdhënës së harmonikës vitin e kaluar në shkollën e mesme të muzikës “Lorenz Antoni”, ku kandidat ishte edhe Shkumbin Miftari.
Drejtori i kësaj shkolle, njëkohësisht kryetar i komisionit, Vesel Krasniqi, nuk ka pranuar të prononcohet para kamerës nën arsyetim se ka probleme shëndetësore. Megjithatë, ai ka mohuar të ketë pranuar aktakuzën, duke refuzuar të japë qëndrim rreth saj.
Për mospranim të aktakuzës, pretendon edhe i dyshuari tjetër, ish-drejtori, tani mësimdhënësi në gjimnazin ‘Gjon Buzuku”, Jeronim Susuri.
Tëvë1 ka siguruar dosjen e Prokurorisë Themelore në Prizren, në të cilat janë edhe dëshmitë e Susurit e Krasniqit.
Ky i fundit, ka treguar se dokumentacionet e palës së dëmtuar ishin ngatërruar.
“Susurit i kam thënë se dokumentacioni i Shkumbinit nuk është në komision, por ai më tha se dokumentacioni i tij është ngatërruar në drejtori, por që janë gjetur. Ne si komision e kemi pranuar që t’i nënshtrohet provimit me shkrim, pasi që nuk kemi dashur që t’ia humbim të drejtën”, ka thënë Susuri.
Ndërkohë, Susuri kishte bërë me dije edhe bisedat me zyrtarët e atëhershëm të DKA-së, në lidhje me kandidatin.
“Pas njoftimit se Shkumbin Miftari ka bërë ankesë për mospërfshirjen në listë, unë kam shkuar te drejtoresha dhe zyrtarët e DKA-së, dhe aty më njoftuan se po i njëjti ka bërë ankesë, dhe pas ankesës drejtoresha më ka sugjeruar që t’i them kandidatit, në këtë rast Shkumbin Miftarit, t’i lejohet hyrja në procedurat e konkursit, dhe t’i sjell dokumentet ditën e testimit, pasi që drejtoresha më tha pas verifikimit se i njëjti ka aplikuar dhe duhet të vazhdoj procedurat”, ishte shprehur ai.
Mbrojtësi i Shkumbin Miftarit, konsideron se ndaj tij janë bërë disa lloje shkeljesh.
Kërkesë e mbrojtjes, ndër të tjerash është edhe anulimi i tërësishëm i konkursit.
Kronika e realizuar nga Florijeta Dernjani
