Ushtruesi i detyrës së prokurorit në Gjakovë, Enis Gashi ka thënë se nga ky aksion janë arrestuar pesë persona.
Ai theksoi se dy të tjerë ndodhen në arrati.
“Pas sigurimit të provave të nevojshme dhe pas një hartimi të një plani operativ, sot në ora 6:00 të mëngjesit është realizuar bastisja në disa shtëpi dhe lokacione të ndryshme. Kjo bastisje është zhvilluar ndaj shtatë të pandehurve në 10 lokacione”, tha Gashi.
“Pesë të pandehur janë arrestuar, ndërsa dy të tjerë janë na arrati”, shtoi ai.
E Bekim Avdijaj, hetues rajonal i Policisë, tha se gjatë bastisjeve janë siguruar prova materiale, si vetura, motoçikleta, armë, telefona mobilë, euro e lekë dhe pajisje të tjera.
Ndërsa hetuesi rajonal i Policisë, Bekim Avdijaj, ka treguar se gjatë bastisjeve janë siguruar edhe prova materiale.
“Si prova materiale janë konfiskuar 16 vetura, dy motoçikleta, katër armë, 12 telefona mobilë dhe pajisje tjera, 8,758 euro dhe 30,600 lekë shqiptare”, deklaroi Avdijaj.
Ndryshe, sot Tëvë1.info raportoi për fillimin e aksionit kundër fajdeve në këtë komunë, ku rastin e ka konfirmuar edhe drejtori rajonal i policisë së Kosovës në Gjakovë, Lumni Graishta./teve1.info
