Mbi 2 kilogramë substancë narkotike janë konfiskuar dhe pesë persona janë arrestuar në një aksion të realizuar nga Prokuroria Themelore në lagjen “Veternik” në Prishtinë në koordinim me Njësinë e Antidrogës së Policisë së Kosovës të martën.
Sipas komunikatës së Prokurorisë hetimet për rastin janë duke vazhduar.
“Prokuroria Themelore në Prishtinë, njofton opinionin publik se në koordinim dhe bashkëpunim të plotë me Njësinë e Antidrogës së Policisë së Kosovës, kanë realizuar një aksion në lagjen Veternik të Prishtinës, ku gjatë këtij operacioni kanë sekuestruar mbi 2 kilogramë Substancë Narkotike. Prokuroria Themelore është në zhvillim e sipër të këtij aksioni, si dhe në bashkëpunim me organet e rendit po vazhdojnë hetimet e ngjarjes si dhe sqarimin e plotë të rrethanave të rastit”, thuhet nga Prokuroria.
Ndërsa, nga Policia e Kosovës kanë thënë se në këtë aksion i cili është duke vazhduar janë arrestuar pesë persona dhe janë konfiskuar armë zjarri, vetura e prova të tjera
“Sot, më 22.04.2025, nga ora 15:00, Policia e Kosovës, konkretisht antidroga e PK-së ka filluar një aksion taktik në kuadër të një mase të veçantë hetimore. Është sekuestruar sasi e kokainës, armë te zjarrit, vetura dhe prova të tjera materiale. Pesë persona të dyshuar janë arrestuar deri ne këtë fazë, ndërsa operacioni i bastisjeve është duke vazhduar ende në disa lokacione”, ka thënë për teve1.info, zëdhënësi i PK-së, Daut Hoxha
