Sipas njoftimit, tre persona janë arrestuar nga ky operacion pasi që gjatë kontrollir janë gjetur 26 paketime të mbushura me marihuanë me peshë të përgjithshme prej pesë kilogramësh e 227.6 gram.
“Të dyshuarit, me vendim të Prokurorit të Shtetit, janë ndaluar në kohëzgjatje prej 48 orësh, për shkak të dyshimit se të njëjtit kanë kryer veprat penale “Kultivimi i bimës së hashashit, shkurres së kokainës ose bimëve të kanabisit” nga neni 272 paragrafi 1 të Kodit Penal të Republikës së Kosovës dhe “Mbajtja në pronësi, kontroll ose posedim të paautorizuar të armëve” nga neni 366 të KPRK-s”, thuhet ndër tjerash në njoftim.
Po ashtu, Prokuroria ka treguar se çfarë është sekuestruar gjatë këtij operacioni.
“Gjatë këtij operacioni, janë sekeustruar: -Para të gatshme- njëqind e gjashtëdhjetë (160) euro, Telefona mobil, Një (1) armë pistolet e llojit Sigsauer, Një (1) veturë e titpit Golf 4, ngjyrë e zezë, Drita (reflektorë), Foli alumini, styropor, ventilator të ndryshëm, Rezervuar uji, pompë uji, Gërshërë, thika, Qese najloni për paketim, Kamera të sigurisë, DVR, Laptop dhe kartela bankare, Vegla pune të ndryshme, termometra digjital, peshore digjitale”, thuhet ndër tjerash në njoftim.
Tutje, është bërë e ditur se brenda afatit ligjor do të paraqitet kërkesa për caktimin e masës së paraburgimit në Gjykatën Themelore në Ferizaj./teve1.info/
