Katër persona janë lënduar mëngjesin e sotëm si pasojë e një aksidenti mes dy veturave, në rrugën Pejë-Prishtinë, konkretisht në fshatin Bresje.
Si pasojë e aksidentit janë krijuar edhe kolona përgjatë magjistrales Pejë-Prishtinë.
Aksidentin e ka konfirmuar zëdhënësja e Policisë për rajonin e Prishtinës, Flora Ahmeti.
“Sot rreth orës 05:00 kemi pranuar informatën se në rrugën Pejë- Prishtinë, saktësisht në fshatin Bresje,ka ndodhur një aksident trafiku me lëndime. Në këtë aksident kanë qenë të përfshira dy automjete. Si pasojë e aksidentit janë lënduar katër persona”, ka thënë Ahmeti./teve1.info/
