Njëri nga gjashtë personat e lënduar në aksidentin te Qendra e Studentëve në Prishtinë është në gjendje të rëndë.
Kështu ka bërë të ditur për teve1.info, drejtori i emergjencës në QKUK, Neser Syla.
“Gjendja shëndetësore e njërit prej të lënduarve është më e rëndë”, ka thënë Syla shkurt.
Ndryshe, teve1.info ka kontaktuar me mjekun kujdestarë, Avdush Bajgora, por i njëjti nuk ka dhënë detaje pasi siç tha ai rasti është i rëndë.
Ndryshe, zëdhënësja e Policisë për Rajonin e Prishtinës, Flora Ahmeti ka thënë për teve1.info se në këta aksident janë përfshirë dy vetura, derisa si pasojë janë lënduar gjashtë persona.
“Sot rreth orës 09:00 kemi pranuar informatën se në udhëkryqin afër konvikteve në Prishtinë , ka ndodhur një aksident trafiku. Në këtë aksident kanë qenë të përfshira, dy automjete të cilat kanë qenë në lëvizje. Si pasojë e aksidentit lëndime trupore kanë pësuar gjashtë persona. Me rastin po merret hetuesia nga njësiti i trafikut rrugor”, tha ajo./teve1.info./
