Autore: Adea Mustafaj
Autobusi po lëvizte si zakonisht në rrugën Suharekë – Shtime, mes fshatrave Duhël dhe Caralevë, mbrëmjen e së dielës.
Mirëpo, paprimtas u godit nga një veturë, dhe aksidenti i rëndë përfundoi me fatalitet.
28 vjeçari Erik Ferati që ndodhej si pasagjer në autobus, mbeti i vdekur në vendin e ngjarjes. Tre persona të tjerë mbetën të lënduar.
Drejtuesi i veturës i cili dyshohet të ketë qenë shkaktar i aksidentit, ka përfunduar në mbajtje.
“Prokuroria Themelore në Prizren, ju njofton se lidhur me rastin me urdhër të prokurorit është ndaluar për 48 orë, një person, për shkak të dyshimit të bazuar se i njëjti ka kryer veprën penale “Ngasja në gjendje të paaftë apo të dehur”, thuhet nga Prokuroria Themelore në Prizren.
E shefi i operativës në Njësin e Trafikut në Prizren, Arben Elshani, jep më shumë detaje për aksidentin e rëndë.
“Aksidenti ka ndodh dikun rreth orës 20:00, në rrugen nacionale M25. Diku rreth Qafës së Duhës dhe fshatit Duhël, në një kthes. Paraprakisht autobusi, operator privat i transportit, ka qenë duke lëviz në relacionin Prishtinë-Prizëren, kurse vetura private ka qenë duke lëvizur nga Suhareka në drejtim të Ferizajit. Si pasoj e mos përshtatjes së shpejtësisë në kushtet e rrugës, për shkak se ka qenë errësir dhe asfaldi ka qenë i lagur. Vozitësi i automjetit hup kontrollen e automjetit dhe kalon në pjesën e shiritit që i përketë drjetimit Prishtinë-Prizëren dhe vie deri te aksidenti”, ka treguar Elshani.
Një pjesë e të lënduarve, janë duek marrë trajtim në spitalin e Prizrenit.
“Në emergjencen e spitalit të përgjitshëm në Prizren janë pranuar tre të lënduar në aksident trafiku, janë kryer ekzaminimet e nevojshme janë bërë konsultat e nevojshme ku njëri prej pacienteve është pranuar për trajtim të mëtejm në repartin e ortopedisë, një për shkak të lëndimeve më të rënda që i ka pas është transferu për trajtim të mëtejmë në qëndren klinike universitare ndërsa tjetri është liruar në shtëpi”, ka thënë Hekuran Veqgishti – shef i emergjencës në Prizren
Për shkak të gjendjes së rëndë shëndetësore, njëri prej të lënduarve është transferuar në Emergjencën e QKUK-së në Prishtinë.
Televizioni gjithashtu ka tentuar të marr një përgjigje edhe nga Emergjenca në Prishtinë për gjendjen aktuale të të lënduarit, port ë njejtit nuk kanë kthyer përgjigje deri në publikimin e kronikës.
Tutje Prokuroria ka njoftuar se brenda afatit ligjor, ata do të paraqesin kërkesën për caktimin e masës së sigurisë ndaj të dyshuarit, me qëllim të sigurimit të prezencës së tij në procedurën penale.
