Të hënën në magjistralen Kaçanik-Ferizaj ka ndodhur një aksident trafiku ku tre persona kanë mbetur të lënduar.
Zëdhënësi i Policisë për rajonin e Ferizajit, Kanun Veseli për tëvë1.info ka thënë se aksidenti ka ndodhur mes dy veturave si pasojë e mosmbajtjes së distancës së sigurisë.
Veseli po ashtu ka bërë të ditur se pas marrjes së ndihmës mjekësore në Emergjencën e Ferizajt, të lënduarit janë lëshuar për në shtëpi.
“Sot rreth orës 11:50, në magjistralen Kaçanik–Ferizaj, afër pompës së derivateve “Ada Gas”, ka ndodhur një aksident trafiku mes dy veturave me targa vendore. Aksidenti ka ndodhur si pasojë e mosmbajtjes së distancës së sigurisë. Përveç dëmeve materiale, janë raportuar edhe lëndime të lehta trupore te njëri nga drejtuesit dhe dy pasagjerë. Pas marrjes së ndihmës mjekësore në emergjencën e Ferizajt, të lënduarit janë lëshuar për në shtëpi”, ka thënë Veseli.
