Dy persona janë lënduar si pasojë e një aksidenti që ka ndodhur sot rreth orës 17:30 në Fushë-Kosovë.
Lajmin për Teve1.info e ka konfirmuar zëdhënësja e Policisë për rajonin e Prishtinës, Flora Ahmeti.
Ahmeti tha se në këtë aksident kanë qenë të përfshira tri automjete.
“Rreth orës 17:30 kemi pranuar informatën se në rrugën Fushë Kosovë-Prishtinë, ka ndodhur një aksident trafiku me lëndime. Në këtë aksident kanë qenë të përfshira tri automjete. Si pasojë e aksidentit lëndime trupore kanë pësuar dy persona”, ka thënë ajo.
Sipas saj, me rastin po merret njësiti i trafikut. /Teve1.info/
