Një person ka mbetur i lënduar si pasojë e një aksidenti trafiku që ka ndodhur sot rreth orës 14:45 në rrugën “12 Qershori” në Ferizaj, afër kryqëzimit me rrugën “Enver Topalli”.
Lajmin e ka konfirmuar për Teve1 zëdhënësi i Policisë për rajonin e Ferizajt, Kanun Veseli, i cili tha se në aksident është përfshirë një automjet me targa vendore.
Sipas tij, përveç dëmeve materiale në veturë, janë shkaktuar dëme edhe në një lokal afarist, një shenjë të komunikacionit dhe një dru dekorativ në vendin e ngjarjes.
“Nga aksidenti një person ka pësuar lëndime trupore. Njësitë relevante policore kanë dalë në vendin e ngjarjes dhe po merren me trajtimin e rastit”, ka deklaruar Veseli.
Hetimet për të sqaruar rrethanat e plota të aksidentit janë duke vazhduar nga autoritetet kompetente.
