Një aksident i rëndë ka ndodhur në aksin rrugor Kullë-Manëz, afro 20 km larg Durrësit.
Burime nga vendngjarja për TCH, bëjnë të ditur se një këmbësor ka humbur jetën, pasi është përplasur nga një veturë tip Opel Corsa.
Mësohet se viktima me iniciale S.A është i moshës rreth 30 vjeç dhe aktualisht gjendet në morgun e spitalit rajonal Durrës.
Mbeten të paqarta rrethanat e aksidentit, por pas njoftimit për ngjarjen, efektivët e policisë së qarkullimit rrugor kanë shkuar në vendngjarje.
Paraprakisht deklarohet se policia ka shoqëruar drejtuesin e mjetit dhe po punon për të zbardhur shkakun e ngjarjes.
