Katër persona janë lënduar si pasojë e një aksidenti mes tri veturave mëngjesin e sotëm në fshatin Poklek i ri në Drenas.
Kështu ka bërë të ditur për tëvë1.info, zëdhënësja e policisë për rajonin e Prishtinës, Flora Ahmeti e cila ka thënë se të lënduarit janë dërguar për tretman mjekësor.
“Sot rreth orës 7:00 në fshatin Poklek i ri -Drenas, ka ndodhur një aksident trafiku, ku kanë qenë të përfshira tri automjete. Si pasojë e aksidentit lëndime trupore kanë pësuar 4 persona të cilët janë dërguar për tretman mjekësor. Me rastin po merren hetuesit nga njësiti i trafikut”, ka deklaruar ajo./teve1.info/
