Një aksident trafiku ka ndodhur pak më parë në kryeqytet, ku janë përfshirë një veturë dhe një motoçikletë, ka bërë të ditur zëdhënësi i Policisë së Kosovës për rajonin e Prishtinës, Enis Pllana.
Sipas tij, aksidenti ndodhi rreth orës 17:30 në rrugën “Lidhja e Prizrenit” dhe si pasojë e tij një person është lënduar dhe ka marrë tretman mjekësor.
“Me rastin po merret njësiti i Trafikut të Kryeqytetit. Informacionet fillestare tregojnë se është lënduar një person, i cili po trajtohet nga ekipet mjekësore”, tha Pllana. /teve1.info/
