Sot rreth orës 07:02 ka ndodhur një aksident në hyrje-dalje të fshatit Trudë, në autostradën “Ibrahim Rugova”.
Si pasojë e këtij aksidenti, ka pësuar lëndime një person.
Lajmin për teve1.info e ka konfirmuar zëdhënësi i Policisë së Kosovës, Baki Kelani.
Ai ka thënë se i lënduari është dërguar për trajtim mjekësor, ndërsa me rastin po merret policia.
“Me datën 07.02.2023 rreth orës 07:20 në Autostraden I.Rugova saktësisht në Hyrje-Dalje në fshatin Trudë, ka ndodhur aksident trafiku ku janë përfshirë dy vetura me tabela vendore. Si pasojë e këtij aksidenti është lënduar një person i cili është dërguar për tretman mjekësor. Rasti është duke u trajtuar nga Njësia e Hetimeve të aksidenteve në Njësinë për Kontrollin e Autostradave”, tha Kelani për teve1.info