Dy persona kanë mbetur të lënduar si pasojë e një aksidenti që ka ndodhur mëngjesin e së enjtes në rrugën “Enver Maloku” në Prishtinë.
Zëdhënësja e Policisë për rajonin e Prishtinës, Flora Ahmeti për tëvë1.info ka bërë të ditur se të përfshira në aksident kanë qenë dy automjete dhe një motoçikletë.
Ahmeti po ashtu ka njoftuar se të lënduarit janë dërguar për trajtim mjekësor, ndërsa me rastin është duke u marrë njësiti i trafikut të kryeqytetit.
“Sot rreth orës 10:30 në rrugën ‘Enver Maloku’ në Prishtinë, ka ndodhur një aksident trafiku ku janë përfshirë dy automjete dhe një motoçikletë. Si pasojë e aksidentit janë lënduar dy persona të cilët janë dërguar për tretman mjekësor. Me rastin po merret njësiti i trafikut të kryeqytetit”, ka thënë Ahmeti./teve1.info/
