Një aksident trafiku ka ndodhur të mërkurën në Prizren, ku një motoçiklist është goditur nga një kamion. Ngjarja ka ndodhur rreth orës 14:15, ndërsa sipas Policisë së Kosovës, dyshohet se shoferi i kamionit, një mashkull kosovar, ka shkaktuar aksidentin për shkak të pakujdesisë në ngasje.
Si pasojë e përplasjes, motoçiklisti ka pësuar lëndime dhe është dërguar menjëherë në Qendrën Klinike Universitare të Kosovës për trajtim mjekësor.
Policia ka bërë të ditur se me vendim të prokurorit, i dyshuari është dërguar në mbajtje, ndërsa rasti po trajtohet si “Shkaktim i aksidentit me lëndime trupore”.
Hetimet lidhur me rastin janë duke vazhduar.
“Prizren / 16.07.2025 – 14:15. Është arrestuar vozitësi mashkull kosovar, pasi që dyshohet se me kamion nga pa kujdesia ka goditur motoçiklistin mashkull kosovar. Viktima është dërguar në QKUK për tretman mjekësor. Me vendim të prokurorit i dyshuari është dërguar në mbajtje”, thuhet në raportin e policisë.
