Një aksident i rëndë ka ndodhur rreth orës 17:05, në aksin rrugor Korçë- Pogradec – dy makina janë përplasur me njëra-tjetrën në afërsi të fshatit Bulgarec ku si pasojë humbi jetën njëri nga shoferët.
Policia njoftoi se një kamion me drejtues shtetasin I. P., është përplasur me një automjet tip “Chevrolet”.
“Si pasojë e përplasjes ka ndërruar jetë shtetasi K. N., rreth 35 vjeç, drejtuesi i automjetit tip ‘Chevrolet’, dhe ka ngelur i dëmtuar pasagjeri në këtë mjet shtetasi E. Dh., i cili ndodhet në spital nën kujdesin e mjekëve”, ka njoftuar Policia e Shtetit.
Grupi hetimor ka dalë në vendngjarje për zbardhjen e rrethanave dhe shkakut të aksidentit./tch
