Një person ka vdekur në një aksident që ka ndodhur në autostradën “Ibrahim Rugova” ku janë përfshirë tri automjete, një kamion dhe dy vetura njëra nga to me targa të huaja.
Zëdhënësi i Policisë së Kosovës, Daut Hoxha ka thënë për Tëvë1 se aksidenti ka ndodhur rreth orës 19:00.
“Me datë 21.10.2024 rreth orës 18:40 ne autostradën “Dr. Ibrahim Rugova” , Prizren Veri-Prizren Jug; km-13 është shkaktuar një aksident trafiku me fatalitet ku janë të përfshira: një automjet me targa të huaja, një kamion dhe një automjet me targa vendore. Ne vendin e aksidentit kanë dal njësitet relevante policore dhe ekipe tjera. Policia është duke ndërmarr veprimet e nevojshme hetimore lidhur me shkaktaret e këtij aksidenti te rëndë”, ka thënë Hoxha.
