Në një aksident që ka ndodhur në Kroaci mes një autobusi me targa boshnjake dhe një automjeti pasagjerësh herët të dielën, kanë mbetur të vdekur dy persona dhe janë plagosur disa të tjerë, ka njoftuar policia.
Aksidenti ka ndodhur në autostradën A3 midis Popovaçës dhe Krizhit. Qarkullimi në këtë pjesë të rrugës është ndërprerë, dhe trafiku po devijohet në seksionin Križ-Popovača nga të dyja anët, ndërsa sipas informacioneve, kolona e automjeteve është rreth 7 kilometra e gjatë.
Një hetim në vendngjarje është duke u zhvilluar, i udhëhequr nga Prokurori i Shtetit i Qarkut në Zyrën e Prokurorit të Shtetit të Qarkut në Sisak, për të përcaktuar të gjitha rrethanat e këtij aksidenti trafiku.
