Të paktën një person është lënduar kur humbi kontrollin e automjetit të tij që është përplasur me pastruesin e borës në New York në ditët kur shumë shtete amerikane po përballen me mot ekstrem.
Autoritetet amerikane u kanë bërë thirrje ngasësve që të kenë kujdes shkaku i kushteve të vështira në rrugë.
Gjendje emergjente ka deklaruar Philadelphia. Zyrtarët e qytetit kanë thënë se do të bjerë borë edhe gjatë ditëve të ardhshme dhe pritet të ketë vështirësi të mëdha në komunikacion.
Meteorologët kanë njoftuar se i ftohti i madh ka ardhur nga Arktiku dhe si pasojë jugu dhe lindja e SHBA-së do të përballen me borë.
