Regjistrimi i shtetaseve të Kosovës në Gjermani si shtetas të Serbisë ka marrë fund.
Këtë e ka bërë të ditur ambasadori i Kosovës në Gjermani, Fruk Ajeti.
Ai ka thënë se kjo padrejtësi e trashëguar do të marrë fund si rezultat i angazhimit diplomatik.
Ambasadori Ajeti ka thënë se mbi 5200 qendra të regjistrit në Gjermani e kanë pranuar këtë vendim.
“Në vazhdën e përpjekjeve tona dhe takimeve me institucionet gjermane, përkatësisht me Kancelarinë Fedrale, ministrinë Federale, ministrinë federale të Punëve të Brendshme dhe të Drejtësisë, kemi kërkuar që shtetasit të Kosovës të regjistrohen vetëm si shtetas të saj dhe jo edhe si serbë. Me vendimin e sotëm ata do të regjistrohen vetëm si shtetas të Kosovës”, ka thënë ambasadori Ajeti përmes një video të publikuar në Facebook.
Ajeti u ka bërë thirrje qytetarëve të Kosovës që paraqiten në qendrat e regjistrimit dhe të regjistrohen si shtetas të Kosovës.
Pavarësisht se Gjermania është ndër shtetet e para që ka njohur pavarësinë e Kosovës në disa rajone të këtij shtetit për shkak të procedurave burokratike janë regjistruar si shtetas të Serbisë.
