Asociacioni i Gazetarëve të Kosovës i ka falënderuar të gjitha gratë gazetare në Ditën Ndërkombëtare të Gruas, raporton teve1.info
Përmes një komunikate për medie, AGK ka shkruar se në Kosovë 65 për qind e gjithë gazetarëve janë gra, të cilat sipas AGK-së rrezikojnë edhe vetën duke raportuar nga terrene të ndryshme.
“Në Kosovë, sipas gjetjeve të fundit të hulumtimit vjetor të Asociacionit të Gazetarëve të Kosovës, 65% e gazetarëve janë gra, andaj në Ditën Ndërkombëtare të Gruas, AGK-ja, i falënderon të gjitha koleget gazetare për punën e palodhshme dhe guximin e treguar përgjatë vitit, duke raportuar nga terrene të ndryshme, shpesh duke e rrezikuar edhe vetën. Njëherësh, ju inkurajojmë që të mos hiqni dorë nga ushtrimi i profesionit, pavarësisht presionit që ndonjëherë e krijon opinioni publik”, thuhet në njoftimin e AGK-së.
AGK-ja, gjithashtu u bënë thirrje organeve kompetente të sigurisë që të shtojnë përpjekjet për të ofruar sigurinë e nevojshme që gazetaret ta kryejnë punën e tyre pa u rrezikuar.
