Asociacioni i Gazetarëve të Kosovës ka reaguar pas sulmeve të personave të maskuar ndaj gazetarëve të cilët po raportojnë në veri të vendit.
Në reagimin e tyre thuhet se AKG-ja është informuar se disa persona me maska u kanë thyer kamerën ekipit të Tëvë1, teksa këto sjellje AGK i ka cilësuar si të papranueshme.
“Sulmohen gazetarët nga persona të maskuar në Leposaviq, Tëvë1 ia thyejnë kamerën Në Komunën e Leposaviqit aktualisht gazetarët e mbi 10 medieve janë sulmuar nga persona të maskuar. Kolegët nga Tëvë1 kanë njoftuar AGK-në, se disa persona ua kanë thyer kamerën atyre me arsyetimin që të mos i xhirojnë, pasi janë me maska. Këto sjellje nga protestuesit maskuar janë totalisht të papranueshme, dhe u bëjmë thirrje organeve kompetente të sigurisë që janë prezent në këtë komunë, t’i sigurojnë gazetarët në mënyrë që të njëjtit të raportojnë pa u sulmuar e penguar.”, thuhet në reagim.
“Njëherësh, ju bëjmë thirrje të gjithë kolegëve që të kenë kujdes të shtuar gjatë raportimit”, thuhet tutje./teve1.info./
