Asociacioni i Gazetarëve të Kosovës ka shprehur ngushëllime për familjen miqtë dhe kolegët pas vdekjes së gazetarit dhe themeluesit themeluesit të Agjencisë së Lajmeve “Ekonomia Online”, Faton Osmani.
AGK ka thënë se kontributi i Osmanit në fushën e medias do të mbahet mend gjatë.
“Me dhimbje e pranuam lajmin për ndarjen nga jeta të gazetarit dhe themeluesit të Agjencisë së Lajmeve “Ekonomia Online”, Faton Osmani, në moshën 49-vjeçare. Kontributi i tij i vlefshëm në fushën e medias në Kosovë do të mbahet mend gjatë. Para se të themelonte “Ekonomia Online”, ai ka punuar në disa media vendore dhe ndërkombëtare. Asociacioni i Gazetarëve të Kosovës shpreh ngushëllimet më të sinqerta për familjen, miqtë dhe kolegët e tij. Humbja e tij është e madhe jo vetëm për të afërmit, por edhe për komunitetin e gazetarëve dhe gjithë shoqërinë”, thuhet nga AGK.
