Asociacioni i Gazetarëve të Kosovës ka dënuar sulmet e përsëritura të kryeministrit të Kosovës, Albin Kurti ndaj medieve.
Në njoftimin e AGK-së bëhet e ditur se gjatë së martës Kurti përsëri ka vazhduar sulmet ndaj medieve.
“Gjykimi im është se Prokuroria është më e interesuar të mbushë ballinat e ndonjë portali të oligarkut sesa të sjellë drejtësi,” ka deklaruar Kurti në Gjilan. Këtë deklaratë e ka bërë kur është pyetur nga gazetarët për mosparaqitjen e tij si dëshmitar në rastin e Rezervave Shtetërore, intervistë e caktuar për orën 10:00”, thuhet në njoftim.
Më tej, AGK thotë se kjo gjuhë e kryeministrit është e papranueshëm, pasi që rrezikon gazetarët dhe mediet dhe minon lirinë e medies dhe shprehjes në Kosovë./teve1.info/
