Përmes reagimit, AGK ka shprehur shqetësimin dhe tronditjen me këtë sulm, teksa ka ftuar Policinë që ta hetojë rastin dhe identifikojë personat e dyshuar.
“Sipas kësaj medie, Muji bashkë me gazetarin, Visar Duriqi, kanë qenë në veri për të përgatitur një emision, kur kanë parë futjen në veturë të një të riu nga disa persona. Kur Muji e ka xhiruar ngjarjen, ai është sulmuar nga këta persona, dhe ka përfunduar në Emergjencën e Spitalit në jug të Mitrovicës”, thuhet në komunikatë.
Lajmin për rrahjen e dy shqiptarëve në veri e ka konfirmuar për teve1.info zv.drejtori i Policisë për rajonin e Mitrovicës, Besim Hoti.
Teve1. Info ka mësuar se njëri nga të lënduarit është duke u trajtuar për ndihmë mjekësore në pjesën jugore të Mitrovicës.
Ndërsa personi tjetër i rrahur është raportuar se është gazetar për të cilin është bërë e ditur se është liruar nga emergjenca pasi që ka vetëm lëndime të lehta trupore./teve1.info/
https://teve1.info/lajmet/3policia-konfirmon-sulmin-ndaj-dy-shqiptareve-nga-serbet-ne-veri/
