Agjenti i Lautaro Martinez: Sulmuesi është i fokusuar tek Interi
Sulmuesi i Inter, Lautaro Martinez ka qenë subjekt i diskutimeve në afatet e fundit për të ardhmen e tij duke u përfolur se mund të ndërrojë ambient.
Megjithatë, agjenti i argjentinasit ka thënë se është normale që të ketë thashetheme nga mediat por se sulmuesi është i lumtur tek skuadra italiane.
“Nuk jam i surprizuar nga spekulimet për interesimin e Bayern, gjithmonë ka fjalë në futboll por ai është i fokusuar tek Interi”, tha agjenti Camano.
Ai poashtu foli edhe për ofertat që kishte sulmuesi në afatin e verës dhe se e ardhmja mund të sjellë gjithçka.
“Ne pranuam oferta të çmendura afatin e kaluar të verës por vendosëm të qëndrojmë. Në të ardhmen, çdo gjë mund të ndodh”.
Lautaro në tregun e tanishëm vlerësohet rreth 80 milionë euro, teksa ka kontratë me Interin deri në vitin 2026.