Agjencitë ndërkombëtare të lajmeve Agence France-Presse (AFP), The Associated Press (AP), Reuters, si dhe BBC, shprehën të enjten shqetësim për sigurinë e gazetarëve të tyre në Gaza, duke i kërkuar Izraelit të sigurojë hyrjen dhe daljen e tyre të sigurt.
Në një deklaratë të përbashkët të lëshuar në mediat sociale, mediat thanë: “Jemi të shqetësuar jashtëzakonisht për gazetarët tanë në Gaza, të cilët janë gjithnjë e më të paaftë të ushqejnë veten dhe familjet e tyre.
Për shumë muaj, këta gazetarë të pavarur kanë qenë sytë dhe veshët e botës në terren në Gaza. Ata tani po përballen me të njëjtat rrethana të tmerrshme si ata që po mbulojnë.”
Mediat thanë gjithashtu se ishin “thellësisht të alarmuara” nga kërcënimi i urisë me të cilin përballen gazetarët.
“Ne edhe një herë u bëjmë thirrje autoriteteve izraelite që të lejojnë gazetarët të hyjnë dhe të dalin nga Gaza. Është thelbësore që furnizimet e mjaftueshme me ushqim të arrijnë tek njerëzit atje”, shtuan ata./teve1/
