Ai, në një intervistë për Ekonomia Online, ka treguar se, në bazë të hulumtimeve të AKB-së, që nga fillimi i reduktimeve të “ashpra”, Kosova ka humbur rreth 40 milionë euro si pasojë e dëmtimit të bizneseve nga ndërprerja e energjisë.
Në baza ditore, Shahini thotë se, për 25 mijë biznese sa janë përfshirë në hulumtim, të cilat përdorin gjeneratorë, shpenzimet për derivate kapin një shifër rreth 1 milion euro.
“Ekonomia e Kosovës po kalon në faza të krizave të njëpasnjëshme, së fundi edhe nga ajo energjetike, e cila është krizë e prodhuar në Kosovë në mungesë te një strategjie zhvillimore dhe energjetike”,ka thënë Shahini.
Sipas tij, Kosova nuk ka strategji për të dalë nga kriza energjetike, por Kosova ka pas mundësi të dalë nga kjo krizë.
“Kanë qenë disa momentume qe Kosova i ka lëshuar dhe nuk i është përgjigjur kërkesave të investitorëve dhe blerësve të huaj”,ka thënë ai.
Sipas Shahinit, vetëm Kosova nga Ballkani Perëndimor ballafaqohet me mungesë të rrymës edhe pse çmimi i energjisë është më i shtrenjti në Ballkan.
