Sulmuesi i Gjilanit, Almir Aganspahiq e ka fituar epitetin e futbollistit më të mirë për xhiron e 32-të në Superligën e Kosovës.
Federata e Futbollit të Kosovës, të hënën ka njoftuar se 28-vjeçari është shpallur “Ylli i Javës”.
Komisioni i veteranëve të futbollit ka vlerësuar lart paraqitjen e sulmuesit Aganspahiq ndaj Feronikelit ’74, duke e zgjedhur si më të mirin e xhiros.
Aganspahiq pati ndikim të madh në triumfin e Gjilanit në Drenas me përmbysje të rezultatit, ku realizoi “hat-trick” në fitoren 3:2.
Pasi mori çmimin “Ylli i Javës”, Aganspahiq u shpreh tejet i lumtur që u vlerësua më i miri.
Ai falënderoi bashkëlojtarët dhe stafin e Gjilanit, pa të cilët tha se nuk do ta fitonte këtë çmim.
Po ashtu, Aganspahiq shtoi se Gjilani deri në fund të sezonit do të luftoj për të arritur objektivin, i cili është dalja në garat evropiane.
