Afër katër mijë serbë të Kosovës kanë aplikuar për konvertimin e patentë shoferëve nga ilegale në ato të Republikës së Kosovës.
Vetëm në katër komunat veriore janë mbi 3 mijë e 400 aplikime.
Kryetari i Zubin Potokut thotë se ky është një lajm i mirë dhe se aplikime të tilla ka në vazhdimësi.
“Ka interesim për çdo ditë herë pas herë dhjetëra mund të them me marr mesataren në baza ditore sepse ka pasë ditë të stërngarkuara këtë më mirë e di zyrtari që i lëshon këto ka pasë ditë me qindra mund të them mirëpo ka interesim për t’i konvertuar po them lejet në RKS dhe interesimi është duke vazhduar, kërkesat janë në vazhdim e sipër”, tha Zeqiri.
Ai thotë se ky numër pritet të rritet ditëve në vazhdim dhe kështu do të ketë integrim më të madh të serbëve në Institucionet e Kosovës.
“Besoj që edhe pjesa e qytetarëve e kanë kuptuar se zbatimi i ligjeve të RKS dhe jeta duke jetuar me ligjet që na i ofron Republika e Kosovës është interes pikërisht i qytetarit edhe besoj që secili mund të ndihet komod dhe kështu unë e shoh një trend pozitiv të integrimit të të gjitha komuniteteve unë e shoh që është diçka e mirë për të gjithë qytetarët”, shprehet kryetari i Zubin Potokut.
Derisa edhe i pari i Zveçanit tregon se çdo ditë ka kërkesa nga komuniteti serb për pajisje me dokumente të Kosovës.
Mirëpo shton se po përballen edhe me disa probleme teknike që thotë se shpejt do të evitohen.
“Të gjithë ata që nuk janë të regjistruar deri në moshën 18-vjeçare për tap o është më e lehtë po regjistrohen por këta në moshën mbi 18-vjeçare po kanë disa probleme ende nuk ka prej Qeverisë se si me shku procedura e tyne dmth këtu është problemi kryesor diku mund të them se përafërsisht kërkesa e tyre për regjistim është afër 300 deri më tani”, thotë Peci.
Afati për konvertimin e patentë shoferëve ilegalë është deri më 9 gusht.
