Vatikani ka thënë se më shumë se 200,000 njerëz janë duke marr pjesë në varrimin e Papa Françeskut, pa specifikuar nëse kjo përfshin vetëm të pranishmit në Sheshin e Shën Pjetrit.
Vajtuesit u rreshtuan përgjatë Via della Conciliazione, e cila të çon në Vatikan, dhe ndoqën meshën në ekranet e mëdha në sheshet publike në Romë, duke përfshirë edhe jashtë bazilikës Santa Maria Major.
Në mesin e të pranishmëve janë edhe udhëheqësit botërorë, përfshirë presidentin e SHBA-së, Donald Trump dhe presidentin ukrainas, Volodymyr Zelenskyy që tashmë kanë mbërritur, raporton AP.
Trump nuk dha detaje kur u pyet nëse ai thjesht do të takohej me liderët në mënyrë kalimtare apo do të zhvillonte bisedime më të thelluara.
Papa ndryshoi disa nga ritet e varrimit duke i thjeshtuar ato, për të theksuar rolin e Papës si një “pastor i thjeshtë” e jo një njeri i fuqishëm i kësaj bote, ka thënë Vatikani.
Pas meshës, besimtarët do të rreshtojnë një rrugë autokolone që do të sjellë arkivolin e Françeskut nga Vatikani në vendin e tij të fundit të pushimit.
Udhëheqësi i kishës katolike vdiq të hënën në moshën 88 vjeçare pasi pësoi një goditje në tru.
