Ulja e temperaturave ka ndikuar edhe në rritjen e rasteve me grip sezonal.
Por që nga 1 tetori në Qendrat e Mjekësisë Familjarë në Kosovë ka filluar që të jepen edhe vaksinat kundër këtij gripi.
Interesimi për të marrë këtë vaksinë sipas mjekut Naim Sfeqla është rritur këtë vit.
Në të gjitha Qendrat e Mjekësisë Familjare më Prishtinë janë dhënë afër 10 mijë vaksina të këtij lloji.
“Që nga 1 tetori, kemi filluar, tani jemi në muajin dhjetor deri tash në bashkëpunim me IKSHPK, jemi furnizuar me 11 mijë doza kemi pas fluks shume të madh, kemi jep diku afër 10 mijë doza kështu që interesimi është mjaftë i madh, zakonisht të interesuarit janë mosha mbi 65 vjec, njërzit me semundje kronike, sic janë diabeti, tensionii lartë i gjakut”, tha mjeku Naim Sfeqla.
Sfeqla ka folur edhe për benifitet e kësaj vaksine.
“Benifitet janë shumë të mëdha, edhe në qoftë se dikujt nga këta i bien gripi e kalojnë shumë lehtë dhe nuk bëhen për mu shtri në spital”.
Madje qytetarët që janë vaksinuar kanë thënë së kjo u ka ndihmuar që kalojnë me lehtë viruset sezonal.
“Por për cdo vit e marr, unë para një muaj e kam marr, me ndihmon ajo gjithmonë gropa nuk kam”, tha qytetari Agim Zeneli.
“Vaksinat ndihmojnë shumë, dmth janë një ndihmë shumë e madhe për shëndetin unë mendoj që gjithë duhet të vaksinohen, jeta nuk është e gjatë por kujdesu ndaj jetës është me i madh tani”, tha qytetari Atdhe Geci.
“Unë e kam marr dhe e marr tash e pesë vite, bashkë me bashkëshorten time dhe është një ndihmës, e mbron kogja mirë kundër këtyre gripave sezonale”, tha qytetari tjetër Haki Kasumio.
Kategoritë si personat me sëmundje kronike nën moshën 65-vjeç, punëtorët shëndetësorë, gratë shtatzëna, fëmijët nga 6 muaj deri në 5-vjeç me indikacione shëndetësore janë disa prej kategorive më me përparësi për t’u vaksinuar me vaksinën e gripit sezonal.
