Aeroporti i Sofjes përmbushi me sukses kërkesat për nivelin e parë nga pesë nivelet e Programit të Akreditimit të Përvojës së Klientit të Aeroportit (ECEAP), të organizatës industriale “Aeroports Council International”, kanë njoftuar të premten nga aeroporti i Sofjes.
Për të përmbushur kërkesat e nivelit të parë ECEAP, Aeroporti i Sofjes ka krijuar së fundmi një njësi të re operacionale, Terminalet, e cila monitoron gjendjen e infrastrukturës dhe proceset dhe nëse është e nevojshme, ofron ndërhyrje operacionale.
Aeroporti i Sofjes tha se ECEAP është strukturuar rreth një sërë praktikash menaxhimi të krijuar për të transformuar aeroportin për një afat të gjatë.
Aeroporti do të vlerësohet në bazë të kritereve të tilla si identifikimi i nevojave të pasagjerëve, strategjia, matja e performancës, përmirësimet operacionale, bashkëpunimi me komunitetin e aeroportit, dizajni dhe inovacioni i shërbimit, si dhe kultura e aeroportit.
“Çdo transformim aeroporti fillon me të kuptuarit e pritjeve të pasagjerëve, dhe qëllimi i një aeroporti rajonal me 5 yje kërkon një strategji të fokusuar menaxhimi të bazuar në dialog dhe aftësinë për të zbatuar praktikat më të mira të aeroportit. Kjo do të na mundësojë të përmbushim qëndrimet dhe pritshmëritë e pasagjerëve tanë ”, tha CEO i Aeroportit të Sofjes, Jesus Caballero./kp
