Ardit Alaj nga Deçani, është udhëtari i tremiliontë që ka udhëtuar përmes aeroportit “Adem Jashari” në Prishtinë.
Alaj, së bashku me të fejuarën e tij, Kaltrinën, janë shpërblyer me një udhëtim njëjavor në Turqi.
Zëdhënësja e ANP “Adem Jashari”, Valentina Gara, tha se ANP po shënon një moment historik, duke arritur për herë të parë 3 milionë udhëtarë brenda një viti.
“Më lejoni që në emër të kompanisë të shpreh falënderimet tona për secilin prej jush – mysafirët tanë te nderuar, udhëtarët e nderuar, stafin e përkushtuar, partnerët e përkushtuar të linjave ajrore dhe të gjithë ata që kanë kontribuar në këtë arritje të jashtëzakonshme”.
“Së bashku, kemi bërë historinë”, tha ajo, shkruan EO.
E Ardit Alaj, i cili po udhëtonte drejt Gjermanisë, falënderoi ANP-në për këtë befasi.
