Fluturimi nuk i shkoi siç duhet një aeroplani, kësisoj ai u detyruar me emergjencë të ateroi në Aeroportin Ndërkombëtar të Prishtinës “Adem Jashari”.
Në mungesë të derivateve ai u detyrua të zbres, por jo si zakonisht.
Ky aeroplan përfundoi jashtë pistës, ku si për pasojë mbetën të lënduar 74 udhëtarë dhe 6 pjesëtarë të ekuipazhit.
Menjëherë këtu erdhën edhe Zjarrfikësit e Aeroportit Ndërkombëtar të Prishtinës të cilët lokalizuan zjarrin e ndezur.
Ekipet e Policisë së Kosovës rrethuan me shirit vendin e ngjarjes.
Gati për ti bartur të lënduarit ishin auto – ambulancat nga qyteti i Lipjani, Drenasit e Fushë Kosovës.
Me shpejtësi këtu erdhën edhe ekipet e zjarrfikësve nga këto qytete.
Detaje për këtë intervenim dha edhe komandant i zjarrfikësve në Aeroportin e Prishtinës, Burgim Begu.
“Si pas planit tonë emergjent e kemi planin tonë të alarmimit, edhe alarmim gjithmonë fillon prej Kullës së trafikut ajror, e cila shpërndahet në dy njësitë të tjera, më se pari tek njësia e zjarrfikësve dhe pastaj vazhdon sipas listës së planit të alarmimit”, ka thënë Begu.
Për të parë nëse reagimet e Policisë, Zjarrfikësve e Autoambulancave ishin me kohë gjithçka po vëzhgohej edhe nga akterët e ndryshëm të vendit.
“Qëllimi kryesor i ushtrimi është që të zbulojmë ato mangësitë nëse kemi diçka, dhe përgjatë ushtrimit i kemi të shpërndarë vëzhguesit nga akterët e ndryshëm, ku do të bëjnë një vëzhgim të ushtrimit dhe pastaj do të na dërgojnë raportin dhe komentet e tyre të cilat na tregojnë se ku duhet të përmirësohemi”, është shprehur tutje Begu.
E gjithë kjo ishte një inskenim për të testuar planin emergjent në Aeroport.
Ushtrimi u mbajt edhe në hapësirat e brendshme të aeroportit.
E familjarët e udhëtarëve prishnin informacione për gjendjen e tyre.
Kjo po testonte reagimet e punëtorëve të aeroportit e Policisë së Kosovës.
Në këtë ushtrim u përfshinë Agjencia e Menaxhimit Emergjent, Ministria e Shëndetësisë, Forca e Sigurisë së Kosovës, pjesëtar të KFOR-it e institucioneve të tjera.
