Agjencia federale që fokusohet në nxitjen e rritjes ekonomike në vendet në zhvillim do të mbyllet si pjesë e përpjekjeve të Departamentit të Efiçiencës së Qeverisë së Elon Musk si pjesë e përpjekjeve të tij për të reduktuar shpenzimet federale, thanë burime të CNN.
Të martën, punjonësve të agjencisë në Korporatën e Sfidës së Mijëvjeçarit iu dërgua email se “së shpejti do të ketë një reduktim të ndjeshëm” në stafin dhe programet. Burimi njoftoi se punonjësit mund të vendosen në leje administrative që nga 5 maji.
Plani i reduktimit të fuqisë punëtore është që të eliminojë të gjithë punonjësit përveç CEO-së në detyrë, sipas burimit, pasi agjencisë i kërkohet ligjërisht të ketë një drejtues.
Ky është sulmi më i fundit i administratës Trump dhe DOGE ndaj ndihmës së huaj amerikane. Administrata ka lëvizur për të mbyllur Agjencinë Amerikane për Zhvillim Ndërkombëtar dhe ka shkuar pas Institutit Amerikan të Paqes dhe Fondacionit Afrikan të Zhvillimit , ndër të tjera. Shumë nga këto përpjekje janë përballur me padi.
MCC, e cila u krijua nga Kongresi në 2004, jep “grante të kufizuara në kohë” për dhjetëra vende në zhvillim, duke përfshirë Ukrainën, El Salvadorin, Nepalin dhe Kosovën për reformën e infrastrukturës dhe politikave.
Kosova si përfituese e granteve nga kjo organizatë, rrezikon t’i humbë rreth 220 milionë euro nëse ndodh mbyllja e Korporatës së Sfidave të Mijëvjeçarit (MCC).
Ngjashëm me shkurtimet në agjencitë e tjera federale, burimi i tha CNN se punonjësve të MCC u është ofruar opsioni i një stimulimi për pension të parakohshëm ose një programi i shtyrë i dorëheqjes, në të cilin ata do të vendosen në pushim administrativ dhe do të paguhen deri më 30 shtator.
