Sulmuesi Sunday Adetunji do të debutoj me fanellën e Ballkanit në ndeshje zyrtare. Adetunji do t’i prijë sulmit të Ballkanit në duelin ndaj Santa Colomas që nis në orën 16:30 dhe luhet në stadiumin “Zahir Pajaziti” në Podujevë.
Trajneri i Ballkanit, Ilir Daja ka vendosur t’i kundërvihet kampionit të Andorrës me formacionin 4-3-3.
Kjo është ndeshja e kthimit e rrethit të parë kualifikues të Ligës së Kampionëve dhe Ballkani është në epërsi pas fitores në duelin e parë.
Ndeshja e parë e luajtur javën e shkuar në Andorrë, përfundoi 2:1 për Ballkanin ndërsa Adetunji nuk luante për shkak se nuk e kishte dokumentacionin e kompletuar.
Adetunjit në sulm do t’i ndihmojnë Almir Kryeziu e Bernard Karrica që janë vendosur në krah kurse në mesfushë do të jetë Marsel Ismajgeci, Lindon Emërllahu e Bleart Tolaj.
Para portierit Enea Koliqi, në mbrojtje janë vendosur Gentrit Halili, Astrit Thaqu, Bajram Jashanica e Arbër Potoku.
Në rast se Ballkani kualifikohet në raundin e dytë kualifikues të Championsit, kjo do të herë hera e parë që arrin një gjë të tillë. Në rrethin e dytë, Ballkani do të përballet me ekipin e njohur nga Danimarka, Midtjylland.
