Sulmuesi i Ballkanit, Sunday Adetunji është shpallur futbollisti më i mirë për xhiron e 25-të në Superligë.
Federata e Futbollit të Kosovës (FFK), ka bërë të ditur se Adetunjit i është ndarë çmimi “Ylli i Javës” pasi Komisioni i Veteranëve të Futbollit e vlerësoi si më të mirin.
Adetunji shënoi dy golat për t’ia siguruar Ballkanit fitoren 2:1 ndaj Ferizajt në Suharekë.
Për Ballkanin, kjo ishte fitorja e parë pas tri ndeshjeve pa humbje kurse Adetunji është shprehur i lumtur që u vlerësua si më i miri i javës.
Fitoren ndaj Ferizajt, Adetunji ua ka dedikuar të gjithëve kurse bashkëlojtarëve ua ka dhënë meritat për dy golat e tij.
