Presidenti i Federatës së Futbollit të Kosovës, Agim Ademi ka zhvilluar një takim punë me selektorin Franco Foda dhe drejtorin teknik Markus Weidner, ka njoftuar të hënën FFK-ja.
Në këtë takim pune është diskutuar rreth krijimit të një programi të punës dhe filozofie të lojës për të gjitha ekipet kombëtare të Kosovës.
Po ashtu, janë shkëmbyer idetë për krijimin e një strategjie të tillë dhe implementimin e kësaj strategjie nga ekipet U15 deri te Kombëtarja A e Kosovës.
“Në këtë formë FFK-ja, synon që të ngrisë edhe më tej nivelin e punës qoftë me futbollistët e ekipit A, qoftë me ata të grupmoshave, nëpërmjet një sistemi të unisuar të punës dhe mënyrës së lojës”, thuhet ndër të tjera në njoftimin e FFK-së.
