Në partneritet me KFV Prishtina dhe Komunën e Prishtinës, klubi i njohur AC Milan do të mbaj Kampin Milan Junior në Kosovë, duke shënuar rikthimin e Klubit në Prishtinë gjashtë vjet pas vizitës së parë, në vitin 2019.
Kampi i Juniorëve të Milanos do të zhvillohet nga data 9 deri më 13 korrik 2025, në Kampin Nacional të Futbollit në Hajvali, qendra zyrtare stërvitore e Federatës së Futbollit të Kosovës – në partneritet të ngushtë me Federatën.
Do të mirëpresë djem dhe vajza të moshës 6 deri në 17 vjeç, duke ofruar stërvitje të nivelit të lartë bazuar në metodën Milan. Trajnerët e certifikuar të AC Milan do të udhëheqin një javë mentorimi, zhvillimi teknik dhe fuqizimi personal për lojtarët e rinj.
