Të kapur dhe vegël të opozitës e ka quajtur Prokurorinë Speciale, deputeti i Lëvizjes Vetëvendosje, Artan Abrashi.
Këtë deklaratë, Abrashi e ka bërë pas raportimeve se kjo prokurori ka nisur hetimet ndaj ministrit Aliu lidhur me rastin e ambalazhuesve.
Sipas tij, opozita po i reziston reformës, ndërsa prokuroria vettingut, e falë pazareve e favoreve nga e kaluara janë bërë bashkë kundër LVV-së.
“Prokuroria speciale çdo ditë e më shumë po i ridëshmon dy gjëra: që është e kapur dhe vegël e opozitës. Vetëm disa ditë pas paralajmërimeve nga deputetë opozitarë se disa ministra po hetohen, fillojnë raportimet për hetimet ndaj ministrit Aliu. Opozita po i reziston reformës. Prokuroria po i reziston vettingut. Kjo bashkë pazaret e favoret nga e kaluara i ka bërë bashkë në një ekip, all-in kundër LV-së, por edhe kundër vullnetit të qytetarëve”, ka shkruar Abrashi në Facebook.
Të hënën disa media kanë raportuar se Prokuroria Speciale ka marrë aktvendim për zgjerimin e hetimeve në çështjen e ambalazhuesve të ujit, ku i pandehur rezulton të jetë Ministri i Mjedisit Planifikimit Hapësinor dhe Infrastrukturës Liburn Aliu.
Sipas raportimeve ministri Aliu dyshohet se gjatë periudhës kohore, prej vitit 2021-2024 në cilësinë e përsonit zyrtar, pra si ministër, me qëllim të përfitimit të kungërligjshëm të dobisë pasurore për vete apo të tjerët dhe për t’i shkaktuar dëm Buxhetit të Republikës së Kosovës, ka keqpërdorur pozitën zyrtare.
Teve1.info ka dërguar pyetje në Prokurori për të konfirmuar hetimin ndaj ministrit Aliu por ende nuk ka marrë përgjigje./teve1.info/
Prokuroria Speciale nis hetimet ndaj Liburn Aliut lidhur në rastin e ambalazhuesve
