Deputeti i Partisë Demokratike të Kosovës, Abelard Tahiri ka thënë se kryeministri Albin Kurti e ka pranuar planin franko-gjerman.
Madje sipas tij pranimi është bërë pa sqaruar këtë plan dhe cilat pika janë kompromisi e cilat në favor të Kosovës.
Sipas tij kështu u avulluan edhe 6 kushtet e kryeministrit Kurti për Asociacionin teksa ka uruar themelimin e ‘Zajednicës’.
“E pranoi planin franko-gjerman. Pa pasur guxim të thotë se cili është në të vërtetë ai plan, çfarë përmban, sa pika, sa prej tyre pika kompromisi e sa në favor të Kosovës dhe në përputhje me kushtetutën. Pra, katër ditë rezistencë prej letre dhe kushtet e Kurtit, me gjasë do mbahen mend për avullim në kohë rekord. Kosovë, urime themelimi i Zajednicës, dhuratë nga Kryeministri, shkëlqesia e tij z. Albin Kurti”, ka shkruar Tahiri.
https://teve1.info/lajmet/kurti-e-pranojme-propozimin-evropian-disa-pyetje-per-te-do-te-adresohen-ne-bruksel/
